《一個人移民去英國》

分享一下電話上網，呢編唔係資訊文，純個人經驗同喜好。   幾年前準備黎英國前，即係仲喺香港嘅時候，我喺Giffgaff order咗張sim card，貪佢可以免費寄黎香港， 攞定個英國電話號碼，方便開定銀行戶口、一到埗就可以打電話等。佢依家都有得申請一張免費sim card寄去世界各地，包括香港👉🏻 https://www.giffgaff.com/freesim-international 官方寫歐洲以外地區要5個工作天以上，當時我大約5月中申請，5月尾收到張sim。   我到埗第一個月係住AIRBNB，第二月租咗屋喺另一區發覺收得好差，行超市行入啲就會收唔到訊號，所以決定轉台。上網可以check到訊號覆蓋範圍收得好唔好👉🏻 https://www.ofcom.org.uk/mobile-coverage-checker 。  之後轉咗用Smarty，同Giffgaff一樣都係 MVNO (Mobile Virtual Network Operator) ，Smarty係用Three嘅network而Giffgaff就係O2 network。兩者都係唔使簽約，每個月renew，亦可以隨時upgrade／downgrade你個plan，或者唔夠數據可以add-on。我鍾意呢類plan多啲彈性，特別係當你住或者工作地方未穩定，如果係合約形式，簽咗就返唔到轉頭。而MVNO一般會平啲，因為佢哋用幾個大網絡商嘅network（EE、O2、Vodafone、Three）。  用咗年幾Smarty都唔錯，咁啱遇著Lebara有優惠，頭6個月每月£0.01有唔記得幾多GB數據，咁就即管試下啦。用完6個月變返正價£6.90，見用得唔錯就一路用到依家啦。三年黎價錢無變過，反而加咗數據，用咗一年左右變成12GB。Lebara用Vodafone network，基本嘢無限本地SMS同通話分鐘，仲有EU roaming，咁去歐洲其他國家旅行就唔使特登買data上網。佢最特別係包100分鐘international minutes可以喺英國打去超過50個指定地區，香港都有份。有事要打電話返香港處理銀行、保險嘢就變得超簡單兼零成本。如果你係新join，係搵唔到我呢個plan嘅，我一路renew到依家架。依家 £10/月有3...