《一個人移民去英國》

相比起一家大細，一個人走佬可謂輕便好多，正正係咁，網絡上好多人分享嘅七海同 Links Moving 個類船運公司就未必岩用。 以我自己為例，早喺 2 月個陣上七海 Quote 過船運 11 個紙箱去倫敦要幾錢，大約係 8 千幾港紙。當然啦，個量我預鬆咗，因為未執嘢所以諗住預多好過預少。當時亦因為種種原因，好多船運用家反映被追加存倉費等等，大失預算。 我要寄過去嘅嘢，主要係衫褲鞋襪、個人物品同一啲有紀念價值嘅嘢，例如依家絕左版嘅蘋果日報 🍎🍎🍎 。如果要用成皮嘢寄，去到再買過可能仲平。話雖如此，香港好易買到日系、韓系嘅衫，英國就算有亦唔見得平。經過一大輪斷捨離，我預計要寄 5-6 箱嘢。 如果用 Hong Kong Post 寄船運， 30KG 大約 6 百幾港紙。對比返七海個報價，其實每箱嘅收費同郵局差唔多，但佢有個叫 Goods Examination Fee 嘅收費， 6 箱收 £92 ， 11 箱收 £157 。即係話只要我自己搞掂買紙箱、托去郵局寄、申請 ToR1 、兼且有埋個收貨地址，咁我就可以慳返成千蚊啦 😌 。 可惜，郵局岩岩加左價 30KG 要 9 百幾蚊，我再上七海 Quote左 個最新嘅價錢 👇 ，未寄嘅朋友可以自己衡量下： Shipping Items:  4 Large Box (61x51x41cm),3 Book Box (51x41x31cm),4 Clothes Box (61x51x41cm) Date of Quote: 21/02/2021 Date of Quote: 17/07/2021 #BNOVisa #船運 #一個人移民 # 移民 #英國 # 移民 英國  #一個人移 民 英國

我喺香港過黎英國嘅時候，香港仲係 Amber List ，所以除左到埗要隔離 10 日之外，仲要喺第二日同第八日做測試，一路聽得比較多人講嘅 CTM ，但要 2 百幾鎊，真心有啲貴。上返 Home Office 網站 其實有好多唔同嘅服務提供者，共有 4 百幾間，價錢有平有貴，幾十鎊至幾百鎊不等。 你可以因應測試方式同地區黎收窄範圍，我就揀喺屋企自己撩鼻 self swab at home ，預算係 1 百鎊左右，揀左幾間睇下佢哋送件、收件安排係點，再上 Trustpilot 睇左啲用家意見，最後決定用 Testing For All 。 官網介紹佢哋係非弁利機構，用一個最低價錢提供佢地應付到的測試量。收費 £99 加 £5 運費，總共 £104 。買嘅時候揀返到達英國日期，佢會當日寄出。買完有個 Order Code ，呢個 number 要填落 Passenger Locator Form 度。佢收件都好方便，只要掉去 Royal Mail Priority Postboxes 就可以 ，總有個喺你左近。 實測結果： Day 0 落機 Day 1 收到 Testing For All 包裹    Day 2 寄出撩鼻樣本 Day 3 Lab 收到樣本 Day 4 一早就 收到電郵通知可以登入網站睇結果，仲可以下載埋 Test Certificate Day 8 寄出撩鼻樣本 Day 9 Lab 收到樣本 Day 10 收到電郵通知有結果 整體黎講好滿意，價錢合理又準時收到 test kit 同 report 。唔使估估下放得監未！ #BNOVisa #covidtest #day2test #移民英國 #一個人去英國  #一個人 移民 去英國